رباعيـات آية

[ahmed_allaithy]

بصراحة ما اعرفش مين اللي قال اطلبوا العلم ولو في الصين، لكن بالتأكيد اللي قال كده ما رحش الصين ولا شافها. بلد ستاتها شبه رجالتها، وريحتها وحشة، ولحومها حرام، ولا يجوز التزوج منهم، وأشهر من نار على علم في الكذب والخداع والتحايل على الغير، وكل البيع والشراء فصال يفوق الوصف، وأسوء سجل في حقوق الإنسان، وأكثر الدول كرها للإسلام والمسلمين ... يبقى المسلم يروح يعمل أيه هناك؟

[Aya waheed]

بصراحة ما اعرفش مين اللي قال اطلبوا العلم ولو في الصين، لكن بالتأكيد اللي قال كده ما رحش الصين ولا شافها. بلد ستاتها شبه رجالتها، وريحتها وحشة، ولحومها حرام، ولا يجوز التزوج منهم، وأشهر من نار على علم في الكذب والخداع والتحايل على الغير، وكل البيع والشراء فصال يفوق الوصف، وأسوء سجل في حقوق الإنسان، وأكثر الدول كرها للإسلام والمسلمين ... يبقى المسلم يروح يعمل أيه هناك؟

إيه كل الحاجات دي كللللهاااااا دا احنا بناكل في أطباق الصين وبنشرب في كوبايات الصين وكل حاجة في حايتنا تقريبا جاية من الصين
أما بالنسبة للشكل فلو بنكلم عن الشكل اللى ربنا خلقهم بيه فده مش بإديهم
أما يكرهوا المسلمين دي أول مرة أعرفها طب في أي مكان هنلاقي ناس بتكره المسلمين واحنا ما بينا ناس بتكره بعضها ..ده غير طبعا الناس اللى بتكره نفسها

أما بالنسبة للحديث...فأهم حاجة عندي إنه طلع نتيجة بعد البحث......
- اطلبوا العلم ولو في الصين فإن العلم فريضة على كل مسلم
الراوي: - المحدث: القاوقجي - المصدر: اللؤلؤ المرصوع - لصفحة أو الرقم: 40
خلاصة حكم المحدث: ضعيف

طب بالنسبة لألمانيا في عليها أي ملاحظات

[Aya waheed]

رباعيات خريجة

[align=center]صدى صوووووووت جوايا
عمال بيناااااااادي مين سامعه معايا
ولا دي أوهااااام أحلااااااام ماليها نهاية
مينين أعرف وللخير والشر ألف حكاية[/align]

[Aya waheed]

رباعيات خريجة

[align=center]صحيح العمل ده عبادة
وعلى أد تعبك هتلاقي إفادة
خبرة وثواب وطموح وسعادة
وتأمين ضدد الكسل والبلادة
[/align]

[Aya waheed]

شاهد على الحياة

[align=center]بيقولوا الصين بيكرهونا
مع إن بمنتجاتهم غرقونا
وبأسعارهم بهرونا وأذهلونا
ومن ورانا كسبوا وأفلسونا[/align]

[Aya waheed]

شاهد على الحياة

[align=center]للياباااااااان شدوا أبطالنا الرحال طايرييين
لعبتنا مصرية ودى البطولة الأربعة وعشرين
رافعين راسنا دايما ويارب نفضل رافعين
بالسلامة تعودوا وبالفوز تفرح عيون المصريين[/align]

[Aya waheed]

رباعيات خريجة

[align=justify][align=center]سَرَحااااان على توهاااان
يعمل حاجة واحدة...ويقول تعبان
عايز بس بعد الشغل ينااااااااام
مع إن أحلامه محتاجة لسوبرمان[/align]


[/align]

[Aya waheed]

رباعيات خريجة

[align=center]والله في حق ربي أنا مقصر
مش عايز أحكي مش عايز اكتر
أعمل إيييه ونعمه عليا كل ثانية بتكتررر
مش عارف أشكر على الجديد ولا في القديم أفكر[/align]

[Aya waheed]

عيد مبارك

[align=center]عيد الأضحي عيد الأضحي
لازم أضحي وأفطر لحمة
وإلا يزعل عمو وطنط
وانا مقدرش أزعل حد في عيد اللحمة[/align]

[Aya waheed]

[align=center]الحمد لله صلينا صلاة العيد
وشفت صحاباتي ولبسنا لبس جديد
والساعة دقت تسعة ومعاها أطباق وصحوون
ماليانة فتة ولحمة..إزاى بس بعد الصوووم[/align]

[Aya waheed]

لا مفر

[align=center]اللي يعيش ياما هيشوف
وبعد اللي شوفته
أنا لسة ماشوفتش حاجة خااالص
ولسة ياما بكرة هشووف

[/align]

[Aya waheed]

رباعيات خريجة

[align=center]العلم ده صحيح نعمة
وجواه هتلاقي المتعة
يارب املى عقلى بعلمك
ونورلي طريقي بفضلك[/align]

[Aya waheed]

رباعيات خريجة....لا مفر!!

[align=center]لو مين اتخلى عني
وفي حقوقي ظلمني
وبقوته حب يقهرني
كفاية إن ربي سامعني[/align]

[Aya waheed]

لا مفر

[align=center]رايح مع أخواتي وأصدقائي إسكندرية
والله مش نيتي أتفسح ده انا طالع مأمورية
شفت العجب شفت جمال البحر شفت أم الدنيا
ومشيت منها وأنا والسما بنبكي والبرق والرعد حوليا[/align]

[Aya waheed]

لا مفر

وليه فجأه المزاج يتقلب ويتعكر
وفي وش أحلامي يقف ويعسكر
ويعطلها ويعركلها وكل شئ يتأخر
وأنا واقف وكأني عاجز مش قادرأفكر