رباعيات ليْثِيَّة

[ضيف]

_MD_RE: رباعيات مصري

يارب انت السند والمعين والنصر
هون علينا الحياة واكتب لنا النصر
انت اللي أمرتنا بالرباط للنصر
اكتبه يارب لنا بحق القسم بالعصر

[ahmed_allaithy]

_md_re: رباعيات مصري

حضرة جناب الزير فخَّـار وبينقَّـط

يبـرّد الميـه وهايـص وبيزقـطط
أما جنـاب الباشـا فمش محصل زيـر
عليه البرود ياما، وجلده كله مخطط

[AlaaZeineldine]

_MD_RE: رباعيات مصري

<p align="center"><font size="5"><strong><font color="#333333"><br />قالو السكات من دهب لو الكلام كان من فضة<br /><br />ودا كان كلام زمان حتى معطر مش مليان شطة<br /><br />ايش حال فنان عمال على بطال بيخُرّ ويشتم<br /><br />مش يخرص أبو كوز كان مخروم أو كان صدّا</font></strong></font></p>

[ahmed_allaithy]

_md_re: رباعيات مصري

عند مسجد سيدنا الحسين كل سنة ينصبوا الصوانات
وييجي فيها شيوخ ودروايش وفي إيديهم صاجات
ويطبلوا ويرقصوا ويهللوا ... ويتنيلّوا للفجر
ولاواحد ينهي عن منكر ولا يصلي الصلوات.

[ahmed_allaithy]

_md_re: رباعيات مصري

عجبي عليكي يا مصر كم فيك من المصايب مضحكات
أمين شرطة بيضرب، وموظف بيسرق، وأمهـات
مش لاقية لقمة للعيل، وأب دايخ، وشعب بيتفس آهات
وشيخ بيخطب، وعالِم بتجري وراه الشرطة بالهروات.

[ahmed_allaithy]

_md_re: رباعيات مصري

ركنت سيارتـي وقلت اتمشى شوية ع الكورنيـش

جالي العسكري يجـري: "يا باشا هنا الركن ما فيش"

قلت: خلاص أركنها بعيد ما دام "النظـام" قال كده

قال: "سيبها، ولاجل عينيك كل شيء يمشي بالبقشيش".

[ahmed_allaithy]

_md_re: رباعيات مصري

توبعليَّا يا معين من قلة القيمة والسلف والدين
بقى لي في شغـل الحكومة سنيـن تجـرسنيـن
لا عمري اختلست، ولا بامشي شمال ويمين
ولا كلت لقمة حرام، وبرضه مش سالكيـن.

[ahmed_allaithy]

_md_re: رباعيات مصري

مسكت الطباشير بإيد ومسكت العصا بالتانية

لقيت اللبيب ماشي ورا علومي ثانية بثانيـة

أما السفيه فتعب إيدي وتعب قلبي وما اتعلم

وفي الآخر دنيا اللبيب مع دنيا السفيه فانيـة

[ahmed_allaithy]

_md_re: رباعيات مصري

قبضت المرتب وجريت هوا على جـزار الحتـة

لاجل أوفي بوعدي للمـدام وللعيـال الستـة

اديته نص المرتب حـط لي عضم ودهـن وشغت

وقال على قد الفلوس، دا مرتبـك كله ناقص حتة

[ahmed_allaithy]

_md_re: رباعيات مصري

حطيت رحالي على اعتابك وقلت خلاص ترحـال

ورميت نفسي في أحضانك وضميت سهول وجبال
وبست الحجر، والشجر، والتراب، والنيل، والناس
دا حضن الوطـن يا اخوانَّا ما تعوضـوش أمـوال.

[ahmed_allaithy]

_md_re: رباعيات مصري

شاب راح العراق يحارب، ويتعارك، ويزيد المناسف

قال يا ناس دلوني ع الأمريكان اللي نورهم خاسف

نفسي اشيل رشاش ولاّ مدفع ولاّ صاروخ وأحارب

قالوا: منين؟ قال: مصري. قالوا: البس حزام ناسف.

[ahmed_allaithy]

ما تقولش أيه ادِّيتنا مصر

"ما تقولش أيه ادِّيتنا مصر".

ليه ما اقولشِ؟ هو السؤال كان حُـرُم؟
افتخرنا بالفراعين وبسُّخرة بنينـا الهـرم
وصوَّتنـا للفراعين وعيشنا لسَّه ف عـدم
واترمـى ورا الشمس كل من قال إحِـم.

[ahmed_allaithy]

_md_re: ما تقولش أيه ادِّيتنا مصر

بيقولوا مصر باعوها وأهلها يا خْوَانَّا مش لاقية

أمال راحت فين الرشاوي والنهايب بلا قافية؟

والعمولات والإتاوات والنصب بالعافية؟

ولاَّ السرقة والاختلاس والمصمصة مش كافية؟

[ahmed_allaithy]

_md_re: ما تقولش أيه ادِّيتنا مصر

الدفن عند المسلمين حفرة تواري الجسد
أما عند الفراعين هرم يجيب الحسـد
وكل فار موكوس عمل علينا أسـد
إلهي يلف جيدكم بحبل أيه؟ من مسـد.

[ahmed_allaithy]

_md_re: ما تقولش أيه ادِّيتنا مصر

الدنيـا ماشيـة صاروخ ولسَّـه بتتعاجب
وانت تلـف تدوخ وبرضـه مش عـاجب
وغيرك ياكلها والعـة، وانت تطفِّـي لهـايب
خايف لسانك يتلسع، أصلك -يالبعيد- خايب.