رباعيـات آية

[Aya waheed]

يا مين يقول لي الألم ف عيشنا ليه بيدوم؟
وليه يا جرح الزمن بننام عليك ونقـوم؟
بلسم جراحنا أكيد مدفون في بحر عميق!
يا ترى اللي تايه أنا؟ والاَّ الأمل معـدوم؟

عمر ما كان الأمل معدوم
وازاى أعيش من غير أمل يملى العيون
وليه الألم فى حياتنا نخليه يدوم!!
وحب ربنا فى قلوبنا جوانا على طول
والاَّ خلاص هى الدنيا جُوا قلوبنا بتلف وتدور
عايزه تشغلنا بهمومها وننسى وياها
ان ما فى أبدا حال بيدوم
افرح ياقلبى وزئطط ده ربنا معاك
خلقك وخلق حُبه جواك
وليه يطووول الحزن ورب العرش وعدك
أنه يجيب دعاك

[ahmed_allaithy]

عمر ما كان الأمل معدوم

وازاى أعيش من غير أمل يملى العيون
وليه الألم فى حياتنا نخليه يدوم!!
وحب ربنا فى قلوبنا جوانا على طول
والاَّ خلاص هى الدنيا جُوا قلوبنا بتلف وتدور
عايزه تشغلنا بهمومها وننسى وياها
ان ما فى أبدا حال بيدوم
افرح ياقلبى وزئطط ده ربنا معاك
خلقك وخلق حُبه جواك
وليه يطووول الحزن ورب العرش وعدك
أنه يجيب دعاك

ونعم بالله، يا آية. طبعًا انتِ خلصت الامتحانات، وفضيتِ للشعر الآن. الله يستر. هههههههه.
وللعلم أن فكيت عُمر خلاص من عمود المسجد.
تحياتي لكِ وللوالد والأسرة الكريمة.

[Aya waheed]

هههههههههه
ياااااااا أخييييييرا كده الفرحة فرحتين فرحة انتهاء الإمتحانات وفرحة الإفراااااااج عن عمر
أما بالنسبة للشعر فأشم رائحة تريقة مع إن أنا شعرى جمييييييييل... ولا موزون ولا حتى مقفى ولا ينتمى أصلا لأى نوع من أنواع الشعر

والعائلة كلللللللللللها بتسلم على حضرتك وعلى الأسرة الكريمة

[Aya waheed]

أشعار آية وحيد

[align=center]ليه يا دنيا ليه
متوهانى معكى ليه
كل الألون داخله فى بعضها
وضاعت الحقيقة ونسيت شكلها
مابقتش عارفة الصح فين
طب فين الغلط ومين الغلطان
طب ليه الحق فى الدنيا دى ماعاد بيبان
وانا اعمل إيييييييه
ووسط السعادة قلبى حزين
أسير على درب مين ولا مين
ماحدش شايف نفسه غلطان
كل ماقول لاقيت قدوة
ألاقيه بالتناقض مليان
خلاص يا عاااااالم مش قادرة استحمل
وازاى اختار الطريق اللى فيه اكمل

[/align]

[ahmed_allaithy]

[align=center]ليه يا دنيا ليه [/align][align=center]
متوهانى معكى ليه
كل الألون داخله فى بعضها
وضاعت الحقيقة ونسيت شكلها
مابقتش عارفة الصح فين
طب فين الغلط ومين الغلطان
طب ليه الحق فى الدنيا دى ماعاد بيبان
وانا اعمل إيييييييه
ووسط السعادة قلبى حزين
أسير على درب مين ولا مين
ماحدش شايف نفسه غلطان
كل ماقول لاقيت قدوة
ألاقيه بالتناقض مليان
خلاص يا عاااااالم مش قادرة استحمل
وازاى اختار الطريق اللى فيه اكمل

[/align]

مش عارف ليه هذه القصيدة فكرتني بمغني بيقول "توهان توهان توهان". هههه
وإن شاء الله نلتقي في مصر، وسأعطيك نسخ إليكترونية من بعض الأعمال الرائعة التي تساعد قراءتها في مجال الشعر العامي، على الرغم من أني لم أقرأ منها إلا القليل بسبب الانشغال الدائم.

ويبدو لي من موضوع النظم هنا أن الحل سهل وبسيط، وهو ألا تتخذي قدوة إلا واحدًا، وهو النبي صلى الله عليه وسلم؛ فهو الأسوة الحسنة. أما باقي البشر فالنقص يستولي على كل الناس. وكذلك فليس الاختلاف بمدعاة للنفور، بل لا ينبغي للخلاف أن يفسد للود قضية، لأن الود والاختلاف أمران مختلفان، وليسا الشيء نفسه.
أسأل الله أن يهدينا جميعًا لما يحب ويرضى.

[Aya waheed]

[align=center]بيوقلولى عندك مراهقة فكرية
ومعيشة نفسك فى مدينة أفلاطونية
أنا نفسى أقول لاااااا أبدا
مش هى دى مدينتى الخيالية
أنا عايشة جوا مدينة تانية..
لكن حقيقية
قائدها رسول الله
اسمها عندى المدينة المحمدية
فيها قرآن يمشى على الأرض
فيها التواضع والناس بتحب بعض
فيها الرحمة ، فيها الموده
وماحدش فيها بيعمل من الحبة أُبة
صحيح نسيت أقول
أنا عايشة جوا المدينة دى
لكن ...فى أحلامى
وبصحى ألاقى كابوس يلخبط أيامى
يشتت كل أفكارى...
يدمر كل شئ جميل فى بالى
وبقت مبادئى عُرضة للإنهيار
وارجع أسأل تانى وتانى
فى عيشتنا دى
فين الغلط ومين الغلطان



[/align]

[Aya waheed]

[align=center]ألف حمد وألف شكر لك يا رب
مرررت سنين التعب انقضت سنين الرعب
بشكرك شكر اللسان والقلب
وازاى فى الدنيا اقلق وانا قادرة ادعى وقول يا رب
[/align]

[Aya waheed]

ده باين عليا بعرف أدعى
والحمد لله دعائى مستجاب
دى أكيد مش شطارة منى
دى نعمة من عند الوهاب

لو حد بس نفسه فى حاجة
المسألة مش صعبة ومش محتاجة
مد إيدك وقول يااااااااااارب
هيسهلك بإذنه كل صعب

ماتقولش مابعرفش
الموضوع بسيط ماتتكبرش
روحله بضعفك ..بِذُلَك..
هيغمرك برحمته..هيحققلك أمنيتك

[Aya waheed]

بيقولوا آال إيه احنا أصحاب الحرية
وعادى قول رأيك وهى دى الديموقراطية
الكلام ده طبعا مش عندنا مش من حقنا
ده فعالم تانى بعيييييييييد عننا..وأكن مش من نفسنا!!

[Aya waheed]

[align=center]ليه كل ماكون مبسوطة
ييجى حد ينكد عليا
ليه كل ماحس براحة
ألاقينى مش عاجبة اللى حوليا[/align]

[ahmed_allaithy]

أصل الدنيا يا آية بلاوي
فيها امخاخ تقوليشي حصاوي
أما اللي في دنيتنا يعوز
يسعد، لازم يعمل حاوي.

[Aya waheed]

أصل الدنيا يا آية بلاوي
فيها امخاخ تقوليشي حصاوي
أما اللي في دنيتنا يعوز
يسعد، لازم يعمل حاوي.

لكن المشكلة إني بخاف إنى أكون أنا اللى غلط وليس من حولى

هل تنازلتم سريعا عن سياسة عكننة الأعضاء، التسبب في خلق مشاكل نفسية لهم، تطفيش النشطاء منهم، إحراجهم بحيث نربي عندهم عقد النقص ... إلخ من الأسباب الكثيرة المشروعة، التي ينبغي أن يتحلى بها كل فرد عربي وخاصة الخريجين الجدد.
أنا كده معنوياتى هترتفع ..وبعد كده أكثف نشاطى ..وده هيبقى مضر بالموقع طبعا

[Aya waheed]

فى زمنا ده مابقاش يفيد
يكون قلبك قلب برئ
كده ياإما هيموت شهيد
أو هيموت من الحسرة غريئ

[Aya waheed]

[align=center]فنانة أنا طووووووووووول عمري
بكتب شعر..وبرسم تملي من صغري
لكن مين هيْقَدٌَر فني..يفهم هدفي
مين يساعدنى أنفذ حلمي..أحقق أملي[/align]

[Aya waheed]

موظفالجمرك:

صباح الخير يا باشا وحمدالله على السلامة
نورت مصـروبقدومـك زالت الملامـة
بشِّيـت في وشـه وجيـت ارد عليـه
قال: إبّبخمسينة يإما هاديك غرامـة.

لا لا لا.. الكلام ده كان زمان
ماعدش له فى بلدنا مكان
خمسينية دى يدوب تجيب باكو لبان
والله وبلدنا اتطورت يا جدعان