رباعيات ليْثِيَّة

[ahmed_allaithy]

_md_re: رباعيات مصري

صاحبنا عمره ما اتوضى ولا صلى في يوم من الأيام

جاله رمضان آل أتوب، وراح استحمى قوام

سمع الفجر لفع جلابيته، جت لنص الرجل ع السُّنة

دخل بيت الله ... شافوه ... راحوا مقدمينه إمام

[ahmed_allaithy]

_md_re: رباعيات مصري

سايح ف أرض الله من بلاد لبلاد

مشحطط أم العيال، ومعاها كمان الاولاد

نفسي أرجع لبلدي، ويوم ما رجعت

قالوا إخوانجي وكمان من الموساد!

[AlaaZeineldine]

_md_re: رباعيات مصري

وآدي واحد رحَّال تاني، عن بلدي غبت سنين

وكل ما اقول انا راجع يقولولي ترجع فين

لا دي مصر اللي انت فاكرها ولا حدش فيها فاهمها

والقصد انا جيتلك تاني ويهَّوِن رب العالمين

[AlaaZeineldine]

_md_re: رباعيات مصري

إيه جرى للشارع ده بيزعَّق واللي جعورته تهَوِّش أسد

وصفارة إنذار بتصَوصَو والست اللي بتِندَه عالولد

واللي بزمارته يصحي الناحية في عز الليل جَتُه داهية

يا ريتها زريبة دي حتى الماشية بتنام لها حَبَّه وتِتْخَمَد

[ahmed_allaithy]

_md_re: رباعيات مصري

واحد صاحبنا بيتجـوز وراح عازمنـي ع الفرح
وعمل زفة وهليلـة، ودعا أهل الطرب والمـرح
أدِّن عليـهم كل أدان ما حد قـام ولا اتحـرك
وقالـوا يا عم سييييييبـك بكـرة في جهنم ننطرَح

[ahmed_allaithy]

_md_re: رباعيات مصري

موظفالجمرك:

صباح الخير يا باشا وحمدالله على السلامة
نورت مصـروبقدومـك زالت الملامـة
بشِّيـت في وشـه وجيـت ارد عليـه
قال: إبّبخمسينة يإما هاديك غرامـة.

[ahmed_allaithy]

_md_re: رباعيات مصري

شيال الجمرك:

يا هلا وغلا بالباشا هلا وغلا
نزِّل ياحاج عنك أفديك م البهدلة
حطيت رحالي وقلت له شكراً
قال لي هتستعبط؟ روح كده جتك البلا.

[ahmed_allaithy]

_md_re: رباعيات مصري

كلب الجمرك:

جابولي كلب وقعد يشمشم ويزغر لي

وكل شوية يلف وِيْجيلي كأنه بيقول لي
أنت فاكرني كلب؟ دا انا تربية جمرك
قلت أطنش، راح مِ هَوْهَوْ، وراح عمري.

[ahmed_allaithy]

رباعيات مصري

يا رب طول عمري وانا قاعد أحـوِّش
لاجل ازور يارب بيتك المعمــور
يا ربي على الدنيا أنا ما مكـوِّش
ولا غــاوي يارب فتنـة وزور
اكتبها لي يا كريم حجـة مبرورة
واجعلها توبة وصفح ونــور
واختم لي يا رب بيها
وانت يا ربي رحيم وغفور

[ahmed_allaithy]

_md_re: رباعيات مصري

شرب يا مصر من نيلك، والحياة قاسية

وصلى على ترابك وروحه مش ناسية

وأكل من خيرك وشمّ يا مصر هواكي

ويوم ما يتعـرَّى إنتِ لِيه كاسيـة.

[ahmed_allaithy]

_md_re: رباعيات مصري

نزلت وسط البلد لقيت زحمة لا أقولَّك ولا تقولّي

وخلق بتصوَّت، وناس بتجري من شارع الأغا أوغلي

سألت العسكري: هو أيـه اللي حصل في الدنيـا؟

قال لـي: انت هتتطرأ ولا تبـات في لاظـوغلي؟

[ahmed_allaithy]

_md_re: رباعيات مصري

في بلاد غريبـة عايش بقـى لي سنيـن

واللحيـة بلـون التلج شابت والحبيـن

خطته تجاعيـد العمـر والقلب الحزيـن

ساكنه هواكي يا مصر، يا جوَّة نِن العين.

[ahmed_allaithy]

_md_re: رباعيات مصري

ما احلى يا مصر نيلـك، نابع من الجنـة

ما احلى ترابك وبيه يوم العُرْس باتْحَـنَّى

ما احلى ضفافك وأهرامك وأيامك وأحلامك

ما احلى صـوت الأدان بيعلـى ويتغنَّـى.

[AlaaZeineldine]

_MD_RE: رباعيات مصري

<p align="center"><font color="#003300" size="5"><strong>...<br /><br />ربنا أوحىَ لْنا كتاب خص حاجات في التشريع للسِتات<br />ولحكمة هو العالم بيها، خلّى كمان للرِجّالة حاجات<br />ولما تلخبطو على بعض شَرع مَشَرع حريم ورجال <br />يا مغيث ده ماهوش خير يا خوانا لما تلعَّبنا الخواجات<br /><br />...</strong></font></p>

[AlaaZeineldine]

_MD_RE: رباعيات مصري

<p align="center"><font color="#333333" size="5"><br />هانت عليه العشرة وعمر عاشوه<br /><br />وخان عيش وملح اكلوه<br /><br />والوقت جه لما احتاج للنُصرة<br /><br />لقاهم زي مانسيهُم هجروه<br />...</font></p>